Top 10 Upcoming Smartphones In India In August 2018 In Hindi |

1
186

Top 10 Upcoming Smartphones In India In August 2018 |

Namaskar dosto swagat hai aap sabhi ka mere is blog post me dosto is post me maine August 2018 me India me launch hone wale Top 10 smartphones ke baare me bataya hai.Pichhle mahine july me bahut saare smartphone launch hue jaise ki Asus Zenphone 5Z,Moto E5,Moto E5 Plus,Oppo Find X,Vivo Nex,Honor 9N,Huawei Nova 3,Huawei Nova 3.Ab August Maah aane wala hai is maah me bhi bahut saare smartphones launch hone wale hai jaise Honor Play.Xiaomi Mi A2,Mi 8 Series,Mi Max 3,Samsung Note 9,Nokia X5,Nokia X6 .Inme se kuch smartphones ke launch date confirmed hai aur kuch aise phones ke jinka launch expected hai August me hi tab aage badhte hai aur jante hai un sabhi phones ke baare me.

1.Huawei Honor Play

Honor ne Confirm kar diya hai ki wo India me Honor Play launch karega,Amazon India par Honor Play ka landing page already live ho chuka hai jisse pta chal raha hai ki Honor Play 6th august ko india me launch ho jayega us landing page me Honor Play ke kuch specs bhi pata chal rahe hai jaise ki isme Hisilicon Kirin 970 processor hoga aur is phone me GPU Turbo mode bhi diya gaya hai 6 GB RAM aur 64 GB internal storage bhi milti hai ye iske kuch specs hai maine Honor Play ke upar yah dedicated video banaya hai aap ise bhi dekh sakte hai .Mere hisab se Honor Play ki pricing 20 se 25 hajar rupees ke bich hogi aur agar us price me yah launch hota hai to ek jabardast option hoga.

 

2.Xiaomi Mi A2

August ke mahine me India me aane wale Smartphone me ek aur confirmed phone hai wo hai Mi A2 .Xiaomi ne 24 July ko Mi A2 ko globally Madrid Spain me launch kiya aur usi din Xiaomi ke india head Manu Kumar Jain ne twitter par confirm kiya ki Mi A2 8th August ko India Me Launch hoga.Mi A2 ek Android One smartphone hai jisse ki isme hame pure stock android dekhne ko milega aur is phone ko Android ke sabhi latest update fastest milenge.Mi A2 me Snapdragon 660 processor diya gaya hai .6 GB ki RAM aur 128 GB tak ki internal storage milti hai.Mi A2 me Dual Rear Cameras diye gaye hai jo ki AI ke sath aate hai 12+20 MP ke sensor hai rear me aur front me 20MP ka Sensor diya gaya hai .Mi A2 ki price 20 Hajar ke aas pas hoga indian market me.

 

3.Mi 8 Series

Xiaomi Ne June Me China me Mi 8 Series ke Smartphone launch kiye the jinme Mi 8 ,Mi 8 SE aur Mi 8 Explorer Edition the.kuch din pahle xiaomi ne Mi 8 Series ke Global Launch ke bare me tease kiya tha aur btaya tha ki August me Mi 8 global market me aayega aur China ke baad india Xiaomi ka sabse bada market hai to ye to confirm hai ki agar Mi 8 series ka global launch hota hai to Mi 8 Series ke smartphones india me bhi jarur aayega.Mi 8 ek flagship smartphone hai aur 30 hajar rupees ke segment me india me launch hoga .Mi 8 me SAmoled Screen Di Gayi Hai .Snapdragon 845 Processor Diya Gaya hai .8 GB tak ki Ram aur 128 GB tak ki internal storage bhi mil jati hai .Mi 8 ka ek Explorer Edition bhi hai jo ki transparent back ke saath aata hai aur Explorer Edition me Iphone X jaisi Face Id Bhi Di gayi hai aur sath me in display finger print sensor bhi diya gaya hai .Explorer edition ka price india me lagbhag 40 hajar ke aas pas hoga.iske alawa Mi 8 ka ek lower variant hai Mi 8 SE jo ki Snapdragon 710 ke sath aata hai aur world ka first smartphone hai jo Snapdragon 710 ke sath aata ho Mi 8 SE ka indian pricing lagbhag 18 se 20 hajar ke aas pas hoga .ye hua Mi 8 Series ke baare me.

4.Mi Max 3

Xiaomi Ne china me apne Mi Max Series Ka Naya Phablet Type Smartphone Mi Max 3 Launch Kiya Jo Ki Mi Max 2 Ka Successor Hai .Mi Max 3 me 6.9 Inch ki display di gayi hai .Mi Max 3 me Snapdragon 636 Processor milta hai aur 5500 mah ki battery hai iske bade display ko power dene ke liye .Mi Max 3 ki expected price india me 15 se 20 hajar rupees ke bich hogi to aagar ap ek bade display wala phone lena chahte hai to mi max 3 ke india launch ka wait kar sakte hai.

5.Samsung Note 9

Samsung apne Note series ka smartphone Note 9 launch karega iske global launch ki dates confirm ho chuki hai Note 9 9th August ko launch hoga .aur aagar 9 August ko yah launch hota hai to August ke last week tak india me bhi pre order ke liye available hoga .Note 9 me sabhi specs top notch hai jaise ki Snapdragon 845 Processor 6 GB tak ki RAM aur 512 GB tak ki internal storage aur is bar Note 9 me 4000 Mah ki battery bhi milegi .Note 9 ki india me pricing lagbhag 80 hajar ke aas pas hogi.

6.Nokia X6

Nokia ko Chinese market se kuchh jyada hi lagaav hai kyunki wo sabse pahle apne phones China me hi launch karta hai kyunki pahle to Nokia ne X6 ko china me launch kiya aur abhi tak wo Globally available hua nhin tab tak Nokia X5 bhi Launch ho gaya hai china me .19 July ko Nokia ne X6 ko 6.1 Plus ke name se Hongkong me launch kiya hai aur saath hi me india ke Nokia ke site par Nokia 6.1 plus ka support page dikha tha jisse ki lag raha hai ki August me india Me Nokia X6 Ko 6.1 Plus ke naam se launch karega.mere hisab se Nokia X6 ki pricing india me 20 hajar ke aas pas hogi Nokia X6 me glass back design di gayi hai aur uske alawa notch wala display bhi hai Nokia X6 me aur Snapdragon 636 Processor bhi mil jata hai Specs kaafi ache hai aur isiliye sabhi Nokia X6 ka wait kar rahe hai.

7.Nokia X5

Nokia X5 Nokia ke x series ka dusra smartphone hai aur july me china me launch hua hai .X5 ke launch ke baad Nokia ke CEO ne tease kiya ki nokia X5 ko bhi globally launch karega aur mere expectations ke hisab se Nokia X5 Ko 5.1 plus ke naam se august ke last week tak india me launch karega.Nokia x5 me bhi glass back design di gayi hai Mediatek ka Helio P60 Processor bhi mil jata hai yah phone china me 10000 rupees me launch hua hai aur mere mutabik Nokia X5 india me 15 hajar rupees ke aas pas August ke last tak india me aa jayega .

 

8.Motorola Moto G6 Plus

Motorola ne apne G Series aur E Series ke smartphone ko launch kiya tha unme se G Series Me se G6 Aur G6 Play India me already launch ho chuke hai idhar ab Motorola india tease kar raha hai twitter par ki wo moto g6 plus ko August me india me launch karega . G6 Plus me bhi glass back design diya gaya hai aur sath me hi snapdragon 630 processor bhi milega mere hisab se g6 plus india me 20 hajar ke aas pas launch hoga kyunki g6 already 15k me launch hua hai to g6 plus 20 hjar se kam me launch hone ka sawal hi nhin hai .6th August ko moto g6 plus india me launch ho sakta hai

9.Motorola Moto Z3 Play

Motorola apne Z Series ke smartphone Z3 Play ko US me april me launch kiya aur leaks ke hisab se mane to August me z3 play india me launch hoga .Z3 Play me Snapdragon ka 660 processor milta hai . full metal body aur glossy design bhi diya gaya hai . moto z series ke smartphones moto mods ko bhi support karte hai aur baki specifications bhi kaafi ache hai aur iska launch august me indian market me hoga aur iski jo pricing hai wo lagbhag 30 hajar rupees ke aas pas hoga.

10.Lenevo Z5

Lenevo ne china me june me Lenevo z5 launch kiya tha . is phone ke baare me kaafi hype tha ki isme almost bezel less screen milegi 2 TB tak ki expandable storage lag sakta hai aur 45 days ka stand by time milega lekin ye saare hype fail hue aur ye smartphone notch wale display ke sath launch hua aur aise to specs thik thak hai 6 gb tak ki ram milti hai aur snapdragon 636 processor bhi mil jata hai .ye smartphone abhi china me available hai aur August me india me aayega  aisa lag raha hai lekin ye type karte hue mere finger crossed hai kyunki lenevo india ko lagbhag bhul chuka hai tabhi to usne is sal abhi tak koi phone launch nhi liya indian market me lekin agar z5 launch hota hai india me to uski pricing 15 hajar rupees ke aas pas hogi.

Ye the wo sabhi 10 smartphones jo ki india me august me launch honge .in phones ke alawa aur bhi phone launch ho sakte hai but ye sabhi wo smartphone the jo ki jyada charcha me hai aur sabhi inka wait kar rahe hai .lekin indian companies ke bhi koi koi phone launch ho sakte hai aur sath me hi infinix itel aur techno bhi koi phone launch kar degi jab man me aayega .

Aapne abhi tak August ke mah me launch hone wale sabhi phones ke baare me jan liya hoga .Aise hi regular tech se related jankari ke liye visit karte rahiye hamari website aur mere is post ko padhne ke liye apka bahut bahut dhanyawad.

1 COMMENT

LEAVE A REPLY

Please enter your comment!
Please enter your name here